T-Pain yaserutse mu isura ya Donald Trump biba akaruru(Amafoto)

Umhanzi T-Pain uri mu baraperi bamaze igihe kinini mu muziki muri Amerika, yatunguranye ku rubyiniro aseruka yambaye imyambaro iri mu isura y’iyo Donald Trump uri kwiyamamariza kuba Perezida w’iki gihugu.

Uyu muraperi uretse no gusohoka mu isura ya Donald Tramp, no mu buryo yageze ku rubyiniro avuga bigaragaza ko yashatse kumwigana.

Uyu mugabo yakoze ibi mu gitaramo cya Halloween. Uyu akaba ari umunsi mukuru wo kwibuka abapfuye bose, ubusanzwe wizihizwa mu bihugu byo mu Burayi n’Amerika tariki 31 Ukwakira, aho usanga abantu baba bambaye imyenda iteye ubwoba, bisize amarangi, n’ibindi bintu bidasanzwe byose biganisha ku rupfu.

Uyu muraperi n’umu-Dj we baserutse bambaye gutya gusa nta kintu yigeze avuga ku matora agiye kubera muri Amerika cyangwa ikintu kijyanye na Donald Trump.

Donald Trump ahagarariye Aba-Républicains mu matora ahanganyemo na Kamala Harris uhagarariye Aba-Démocrates. Aya matora azaba kuri uyu wa Kabiri tariki 5 Ugushyingo 2024.

Trump ashyigikiwe n’abiganjemo abaherwe barangajwe imbere na Elon Musk.