Nduhungirehe yongeye kuvuga ku bya DRC ivanga u Rwanda mu bibazo byayo

Minisitiri w’Ububanyi n’Amahanga, Amb. Olivier Nduhungirehe, yavuze ko ibirego bya Repubulika Iharanira Demokarasi ya Congo (RDC) by’uko u Rwanda rwishyira mu kato bidafite ishingiro.

Yagaragaje ko abayobozi b’iki gihugu bibanda ku gutanga amakuru adafite ukuri no kwikiza inshingano zikomeye, aho gushyira imbere uburyo bwo gukemura ibibazo byabo bwimbitse.

Ibi yabitangaje asubiza ibyo mugenzi we wa RDC, Thérèse Wagner Kayikwamba, aheruka gutangaza ko Kinshasa ituma u Rwanda rwiheza mu ruhando mpuzamahanga.

Yongeyeho ko RDC yahinduye gahunda yo kwitabira ibiganiro na M23, ikaba ari yo mpamvu inama yari guhuza Perezida Paul Kagame na Félix Tshisekedi ku wa 15 Ukuboza 2024 yasubitswe.

Nduhungirehe yavuze ko u Rwanda ruri ku isonga mu bikorwa mpuzamahanga, birimo kwakira inama zikomeye no gutegura amarushanwa ku rwego rw’Isi, bigaragaza uruhare rw’igihugu ku rwego mpuzamahanga.

Yanashimangiye ko ibivugwa na RDC ari amagambo akururwa n’imbaraga ziva mu bihugu byo mu burengerazuba bw’Isi.