Imodoka ya mbere iguruka yasuzumwe

Kompanyi ya Alef Aeronautics yo muri Leta Zunze Ubumwe za Amerika yamuritse imodoka ya mbere iguruka ku Isi.

Mu Cyumweru gishize, iyi modoka yakoze isuzuma rya mbere, aho Prototype ya Model Zero yagaragaye iguruka hejuru y’imodoka yari iparitse muri California.

Jim Dukhovny, umuyobozi wa Alef Aeronautics yavuze ko iri suzuma ari intambwe ikomeye mu ikoranabuhanga ry’ingendo, ugereranyije n’igihe Wright Brothers bavumburaga indege ya mbere.

Yagize ati: “Turizera ko ibi bizahindura uko abantu bategura ingendo mu mijyi y’Isi.”

Iyo modoka ifite ubushobozi bwo kuguruka no kugenda ku butaka nta kibazo, bikaba biteganyijwe ko izafasha kugabanya umuvundo wo mu mihanda.