Gen. Mubarakh Muganga yagize icyo asaba abakinnyi n’abayobozi ba APR FC (Amafoto)

Ku Cyumweru, tariki ya 24 Ugushyingo 2024, Umugaba Mukuru w’Ingabo z’u Rwanda akaba n’Umuyobozi w’Ikirenga wa APR FC, Gen. Mubarakh Muganga, yasabye abakinnyi n’abakozi ba APR FC kwongera umubare w’ibitego batsinda kugira ngo ikipe yitware neza muri shampiyona y’uyu mwaka.

Mu kiganiro yagiranye n’abakozi b’ikipe y’Ingabo, Gen. Mubarakh yagaragaje ko APR FC ari ikipe ikomoka ku Ngabo z’u Rwanda, ikwiye kurangwa n’intsinzi aho ari ho hose. Yibukije ko gutsinda igitego kimwe bitagaragaza umutekano usesuye, abasaba kurushaho kwegera izamu no gushaka ibitego byinshi.

Yashimangiye ko umukino uheruka APR FC yatsinzemo Muhazi United igitego 1-0 atawishimiye uko wagaragayemo imikinire y’ikipe, cyane cyane uburyohererekanya umupira hagati, aho yibukije abakinnyi ko bafite umukoro wo guhindura imikinire bagaragaje.

Na ho Chairman w’ikipe, Brig. Gen. Déo Rusanganwa, yibukije abakinnyi ko abakunzi b’APR FC babashinja kudatanga ibyishimo bikwiye, abasaba kwitwara neza mu mukino uzakurikiraho bazahura na Bugesera FC ku wa Gatatu tariki ya 27 Ugushyingo 2024 kuri Kigali Péle Stadium.

Ikipe y’Ingabo ifite intego yo kwegukana igikombe cya shampiyona ishingiye ku ntumbero yo kurangwa n’intsinzi.